Ein vaan de hoegtepunten vaan dees middag is veur väöle vaan uuch en us de towkinning vaan de Hoegste Oondersjeiing vaan ’t jaor 2017. Ein commissie die dit bepaolt bestaonde oet aajd prins Paul de IV, de winners vaan ’t veurig jaor, De kinderboederij Lummel, en get beëedigde braniemeekers en braniemeekerkes.


Op de boetegewoene geheimelikke vergadering ginge weer hiel get gegadigde euver de taofel. Heerlijk toch este nog altied met elkaar kins bekvechte euver de kandidate. Veer höbbe noe 33 lui of vereiniginge in ’t zönneke kinne zette die dinger gehiel vrijwillig en op de achtergroond vaanalles doen veur vereiningen, de buurt, veur iemans zörge of es groep get sjoens doen veur de gemeinsjap Lummel en/of Nazareth.

 

Al hoewel ’t in eine hook lestig weurt door ’t opdoeke vaan vereiniginge door fusies, lede tekort of door politiek en woening beleid. De letste 10 jaor is ’t eigelik mer hiel mager gewore met de sociale aktiviteite in us buurte. Mer toch dit jaor höbbe veer weer get sjoens gevoonde.

‘T moot örgens zien gewees aon’t eind vaan de jaore 70 dat in ein achterkamer op de Jerichostraot iemens al lang met de gedachte leep um get te doen met ein aontal Lummeleere. Laote veer zègke ein soort vaan sportclub. De trainer waor heer zelf, dao woorte get speulers benaderd mer ouch begeleijers en ein technische staf, woort dao bij betrokke. Nao hiel get treinininge vaan 5 jaor kaom de iertse wedstijd dee wel betitteld maag weure es ein sprookje. Alle velde woorte bespeuld hij in Lummel mer ouch de bejoardehoezer, toenmalige vijverdal en nog miejer akemedaties. ’T sprookje ging weijer met hiel get wedstrijde die eeder sezoen eine aandere naom had. Legendarische persoenelijk heden vaan Lummel en dao boete hobbe in ’t team of dao veur gestande. Nao al die jaore krege zie ein groete fanclub boe zie tot noe tow eine groete band met deeje opbouwe. Mer ouch de speulers zien hoonkvas, meinigein zit dao al 10 talle jaore bij en zelfs eine venaof ’t begin. Oonder de towsjowers maage zie börgemeisters, ministers, goeveneurs en aandere belangrieke luij rekenen, ouch Sinterklaos is geine vreemde veur hun. Vaan amateurisme nao noe ein profesioneel, get wat neet mie weg te dinke is. Vaan veldverliechting gemaak vaan aw koffieblikke tot ein groete perfek in elkaar stekende productie, vrijwel eeder aanderhalf jaor. Oetwedstrijde zien ze met gestop, allein nog mer thoes speule op ein houte veld. Hei in dit daan umgebouwd tejater.

Alles weurt oet de kas gehaold, alles is even perfek vaan ’t ontvangst, de buhne, de techniek, Grime en Joa zelfs de koffiejufrouw lach diech tow.

Naodat zie gekoze hadde um nog allein mer in ’t mestreechs dialect te speule zien zie wereld beroemd gewoorde bij us in mestreech tot wiet dao boete. Vaan de sprookjes zien ze weijer gegaange met hilarische stökke met eine even zoe geweldige titels zoe es Spróteleköpke, De väördeur stónt ope, Fótsje veur ‘ne sjievelsent, Max en Pol, Nondetonnère obbins Mieljoenair en zoe hobbe zie 27 producties op de vloer gebrach met es letste veers in ’t geheuge Allo Allo. Hole de gazèt met positieve recencies, höbbe eine belangrieke pries gewonne in de toneelwereld, en zien oonderzeuk gewore door de veilligheidsdeens CIA vaan Amerika bij noe bars de bom. Eind September steit de volgende productie op ’t programma en kinne zie weer dik 4000 bezeukers eine onvergetelijke aovend bezörge, boe de boekpein vaan ’t lache weer verzekerd is.

Leef luij ’t zal veur uuch al dudelik zien de Hoegste Oondersjeiing vaan 2017 is towgekind aon alle lede en veur ’t gehiele oeuvre van 27 producties in 39 jaor plezeer veur eedrein.
de Toneelgroep Lummel.
Maag iech eedrein vaan de toneelgroep oonder ein groet applaus hij noa bove höbbe um deze pries in oontvangs te numme vaan use Hoeglöstegheid.
PRINS DANNY DE IERSTE

 Klik op de foto veur 'n vergroeting.Hoegste Oondersjeiing 2017b

Login

Prinsegallereij





Ga naar boven