de hoegste óndersjeijing 2006 " Jean Muijtjens "

jean 1Dit jaor woord in `n heukske weer de bejeinkomst gehawwe: wee kump in aonmerking veur de hoegste óndersjeijing 2006 vaan de Braniemeekers.

De commissie bestoond weer oet de winnaars vaan veurig jaor: de femillie Loefen, aajd prins Ger d'n ierste, en twie Braniemeekers. Zoe es eeder jaor ginge weer hiel gèt naome de taofel euver. Heerlik is dat, veural umdat ze met luij rond de taofel zits die de gemeinsjap en zien vereiniginge toch al zoe hoeg in 't vaandel hôbbe stoon. Nao hiel gèt noame gehad te hôbbe stoont der eine boe veer steeds bij bleeve haange: `t woord tied, want dee persoen steit eigelik altied op de achtergroond en deit zoeveul veur de gemeinsjap. Ich kin noe wel vertelle dat dee persoen in Lummel woent en vaan het mannelik geslach is. Dee persoen heet in eeder geval `n stökske diplomatie in hoes wat ouch wel mot in die dinger wat heer deit. Altied praotentere dao oet kome, zeuke naor oplossinge, zeuke naor compromieën. Boe heer veur steit wèlt heer d`r doorduije, hèlt vas aon zien principes. Ouch privè kin eeder bei haöm aonbèlle, en kregs 'n luisterend oer mer ouch 'n hiel ierlek antwoord. Op vrijwel eeder activiteit is heer te vinde met 'n putje beer en de sigaar. Gaank de beij stoon want 'n oor gezoond lache is dao. Geit 't um serieuze zake, daan ouch serieus. Heer heet 't vaan geine vreemde want dit heet heer veur 'n groet stok mètgekrege vaan zien awwers. Wat vereiniginge aongeit is heer begonne in us toenmaolige J.O.W. Eederein kin h'm al is 't mer vaan zien rundje met de hond en daan altied 'n vruntelijke gooje daag veur eederein. In het bestuur gezete vaan us eige famfaar en daonao nog altied actief achter de sjerme es zie 'n beroop op h'm doen. Lid vaan us eige zaate ingel boe heer 't trom-melke sleug al jaore laangk. Ein groete hobby en dat zien hel sjijve en programma's. Ein vaan de luij achter 't digitale buurtplein boe heer metgewerk heet in Malberg, Wit-te Vrouweveld en noe nog altied heij in Lummel. In 2002 zich devaan bewus woort dat lummel groet oonrech woort aongedoon door de politiek en de gemeinte door dees parochie steeds miejer te laote aofgleie qua woening toewijzing, verhuizinge vaan probleemgevalle, gein toekomstplan veur Lummel, gein geld veur enz. Heet zich aon-geslote bij de toenmallige groep Leefbaar Lummel die kort denao zien samegegaange in de buurtraod Um kort te zien: de veurtgaank vaan Lummel is zien idiaal, al weurt dit neet altied door eederein in de politiek begrepe. Heer helt ziech veural bezig met de aonlegk vaan de oondertunneling vaan de A2 dat ouch consequenties heet veur Lummel en Naza-reth. Lid vaan de bewoenerscomisie sint servatius. Met dinke en oondernumme vaan initiatieve wie 't beeld vaan lummel kin verandere in oetstraoling. Dink nao euver de towkomst vaan us parochies en kin 't de bestuurders wel ins lestig make met zien doordachte vraoge. Es heer örgens zien tan heet ingezat daan geit heer daoveur. 'ne mins boe Lummel zoe völ aon te daanke heet, mèr eigelik niemand in de gate heet wie belangriek zien wèrrek is en daan wèlle veer eigenlik niemand te kort doen. Behalve op zaoterdaagmiddaag zoe tege 't ind vaan de middaag. Daan geit heer zich eine drinke in 't kribke. Maoge veer dee persoen hij nao bove höbbe en ee-derein zal noe wel wete wee, Jean Muijtjens is, heer kreig de hoegste óndersjeijing 2006!

 

Prinsegallerij





Ga naar boven