Bekiek uuch hei-oonder de Prinsefoto regio Mestreech en Jäögprinsefoto SMV. Klik op 'nne foto veur vergruting.
Hans Volders is oetgerope tot Vastelaovend-vrijwèlleger vaan ‘t jaor 2023. Heer heet daoveur 't Lèneke oontvaange tijdens de Binnenste Boetezitting, die jaorleks plaots vindt in Wyck op de zaoterdag veur de Vastelaovend. Dizzen titel weurt naomelek gesymboliseerd mèt ‘n uniek broonze beeldsje vaan Lenie Menten: ’t Lèneke’, speciaol oontworpe door Wil van der Laan. Bekiek uuch hei e fillemke vaan de oetreiking, klik op: VIDEO
Winnaars ‘Thoes Verseerwedstrijd'
Leef vastelaovends vrun, inwoeners en oondernummers vaan Lummel & Nazareth,
Deze week höbbe veer de winnaars bekint gemaak vaan de Thoes Verseerwedstrijd en höbbe Prins Nas 1e en Prinses Nancy en Prins Etiënne 1e ouch de preize oetgereik.
De käös waor neet gemekelek um tot veer versjeie sjoen verseerde hoerser, tuine en kiekoets gezeen höbbe.
Veer vinde ’t sjiek tot väöl lui de meujte genóme höbbe um mèt te doen en zoe de sfeer vaan vastelaovend is us wieke en straote uting te geve.
De Winnaars:
1e plaots – Linda Hollanders en Peter – Kasteel Walburglaan
2e plaots – Anita Wijns – Balijeweg
3e plaots – Bewoners galerijflat Limale – Azamonstraat Galerij B
Veer hope tot Geer volgend jaor ouch weer mèt zalt doen en veer de wieke Lummel & Nazareth en hopelek gans Mestreech, roed, geel en greun alle laote kleure roond de vastelaovend.
Alvast bedaank ️en perficia aon de winnaars
Naomes de besture en leie vaan
CV de Kakpepers & CV de Braniemeekers
Foto's hei oonder, klik drop veur weergaaf:
1e plaots: Foto1; Foto2; Foto3; Foto4; Foto5
2e plaots: Foto1; Foto2; Foto3;
3e plaots: Foto1; Foto2; Foto3; Foto4; Foto5; Foto6; Foto7; Foto8; Foto9; Foto10
Op zaoterdag 18 fibberwarie zal door CV de Braniemeekers de Vastelaovend in Lummel & Nazareth geopend weure mèt ’t oonderhand bekinde “Braniebal of Vastelaoftrap” dat gehawwe zal weure in Kaffee ’t Tönneke.
Prins Etiënne 1e zal es Hoeglöstegheid ’t Braniebal opene en oonder de muzikaole klaanke vaan DJ Chris Boumans zal ’t fieske en dus de vastelaovend losbarste.
Geer zeet vaan harte oetgenudeg um vaanaof 19.00 oor d’r same mèt us ’n sjiek en gezèlleg fieske vaan te make.
D’n entree is gratis!