Jaorliks oetstepke Braniemeekerskes.
Het jaorliks oetstepke vaan de Braniemeekerkes ging dit jaor nao GaiaZOO. Dat waor 'nne supergezèllige en fijne daag.
Mèt groeten daank aon de begeleiders, die dit meugelik höbbe gemaak!
Klik op de foto veur vergroeting!
Daankwoord Prins Ivo 1e 2019.
Bèste luikes vaan Lummel & Nazareth,
Geere wèl iech, en ouch naomes mien vriendin Bianca, vaanaof dees plaots eederein in Lummel en Nazareth hiel erg bedaanke veur ’nne manjefieke vastelaovend. Mèt hiel väöl plezeer bin iech same mèt de Braniemeekers uuch veur gegaange in dee sjoene tied vaan vastelaovend. Vaan ‘t momint vaan oetrope tot aon assellegoonsdeg höbbe veer eedere daag hiel väöl plezeer gehad en höbbe veer ontzettend genote. Alle lui die op de ein of aander meneer d’r veur gezörg höbbe dat ‘t zoe’n geweldig fies is gewore, harstikke bedaank veur dee oonvergeteleke tied. Op zaoterdag 30 miert hoop iech uuch weer te zien es veer us Haafvastebal hawwe in kaffee ’t Tönneke vaanaof 20 oor, mèt orkés “2 The Limit”.
Mien vreunteleke Kompleminte!! Prins Ivo 1e vaan CV de Braniemeekers
Hoegste Oondersjeiing 2019 veur Lummelse Bejaarde- en Invalidevereiniging.
Ein vaan de hoegtepunte vaan ‘t jaor is veur väöle vaan Lummel en Nazareth en us de towkinning vaan de Hoegste Oondersjeiing vaan ‘t jaor 2019. De kemissie, die dit jaor de käös heet bepaold, bestoond oet aajd prins Roy d’n Ierste, de winnaar vaan ’t veurig jaor, Horrie Geraerds en get beëdigde Braniemeekers en Braniemeekerkes. Op de boetegewoen geheimeleke vergadering, ginge weer hiel get gegadigde euver de taofel. Heerlijk toch este nog altied mèt elkaar kins bekvechte euver de kandidate. Veer höbbe noe 35 lui of vereiniginge in ’t zönneke kinne zètte, die allerlei zake gehiel vrijwillig en op de achtergroond doen veur vereininge of veur de buurt, veur iemes zörge of es groep get sjoens doen veur de gemeinsjap Lummel/Nazareth.
Allewel ’t lestig weurt door ’t opdoeke vaan vereiniginge, door ’t sterk verandere vaan de indentiteit vaan us 2 parochies, ‘t lede tekort of door politiek en woeningbeleid. De lèste jaore is ’t eigelik mer hiel mager gewore met de sociaal aktiviteite in us buurte.
Mer toch höbbe veer dit jaor weer get hiel sjoens gevoonde.
Lees meer: Hoegste Oondersjeiing 2019 veur Lummelse Bejaarde- en Invalidevereiniging.
Vastelaoftrap op 2 miert en Haafvastebal op 30 miert in 't Tönneke.
Klik op 't pleetsje veur groete weergaaf.
Braniemeekerpóp Aoflaote dinsdag 5 miert.
Dinsdagaovend 5 miert 2019 um 19:00 oor zal door CV de Braniemeekers de Vastelaovend in Lummel en Nazareth beëindig weure door 't neer hole (AOFLAOTE) vaan de Braniemeekerpóp.
Prins Ivo 1e zal daan same mèt de aonwezige Prinse en Prinsesse en 't Vastelaovend vierend volk vaan Lummel en Nazareth symbolisch aofsjeid numme vaan de drei dol daog vaan Carnaval. Dit alle zal gebäöre op 't plein veur 't Kaplaon Lochtmanhoes aon de Populierweeg. Geer zeet vaan harte oetgenudig um daobij aonwezig te zien!
Braniemeekerpóp Heijse & Carnavalsontbijt zoondag 3 miert.
Carnavalszoondag 3 miert 2019 zal door CV de Braniemeekers de "Vastelaovend" in Lummel en Nazareth geopend weure mèt 't hijse vaan de Braniemeekerpóp en aonsletend e carnavalsoontbijt. De Braniemeekerpóp zal de drei dol daog ziech hawwe op 't Vastelaovend vierend volk vaan Lummel en Nazareth.
Prins IVO 1e zal op ziene Prinsenwagel vaanaof Hoeve Rome, mèt versjèllende vereiniginge oet de wiek, in 'nne cortège nao 't pleinsje veur 't Kaplaon Lochtmanhoes trèkke. Alle Prinse en Prinsesse zalle um 11:11 oor de Braniemeekerpóp hijse. Es dat achter de rök is, zal 't carnavalsontbijt geserveerd weure in Café ’t Tönneke en kinne veer us opmake veur 'nne fantastische Carnaval..
Geer zeet vaan harte oetgenudig heibij aonwezig te zien!
Trökblik Mestreechter Mès 2019.
Zoondag 24 fibberwarie 2019 voond de traditioneel Mestreechter Mès vaan de Braniemeekers plaots in de kèrk vaan St. Jaan d’n Duiper in aonwezigheid vaan de Braniemeekers, Braniemeekerkes en Kakpepers. De Mès o.l.v. Pestoer Backus woort opgeluusterd door ’t Kèrrekkoer en Con Gerards.
Hei kint geer e fillemke heivaan bekieke: https://youtu.be/DYQtyYBFfs4
Carnevalskiene vriedag 22 fibberwarie as.
Vriedag 22 fibberwarie 2018 organiseert CV de Braniemeekers häöre traditionele Carnevals Kienaovend in ’t Keplaon Lochtmanhoes in Lummel. Op Carnevaleske wijs weurt deze aovend ingevöld. D’r zien väöl sjoen prijs te winne, die door Prins Ivo 1e persoenelek aon de winnaars zalle weure oetgereik.
De zaol is ope vaanaof 18:00 oor
Aonvaank Kiene vaanaof 19:00 oor
Prinse_recepsie Prins Ivo 1e.
Zaoterdag 03 fibberwarie 2018 zal CV De Braniemeekers ’n receptie aonbeje aon Prins Ivo 1e. Dees receptie zal plaots vinde in ’t sjoen verseerde Keplaon Lochtmanhoes aon de Populierweeg in Lummel. Veer nudige ’n ederein, dee Prins Ivo 1e en CV de Braniemeekers e werrem hart tow dreug, vaan harte oet heibij aonwezig te zien.
De receptie weurt gehawwe vaan 18:11 tot 21:11 oor.
Geer zeet vaan harte welkom
Mestreechse Mès en Kindermiddag CV de Braniemeekerkes.
Zoondag 24 fibberwarie um 9.00 oor weurt de jaorlikse Mesteechter Mès opgedrage in de parochie Kèrrek vaan St Jaan d’n Duiper in Lummel. Con Gerards en ’t Kèrrekelik zaangkoer zalle de mès opluustere mèt sjoene meziek en zaank. Nao de Mès zalle veer ’n blomstökske op ’t kèrrekhof lègke ter iere en ter naogedachtenis aon alle euverleije lui oet Lummel en Nazareth en speciaol veur us euverleije leije, iere-leije en aajd Prinse. Veer hope uuch in de kèrrek te maage treffe! Daan weurt dao nao ’n koffietaofel gehawwe in ’t Keplaon Lochtmanhoes veur genuudigde vaan CV de Braniemeekers en zal euze zjubilaris in ’t zönneke gezat weure. Dit jaor is dat Ashwin Storms.
's Middags goon veer weer ‘n gezèllig feeske bouwe mèt de keender op de Kindermiddag vaan de Braniemeekerkes. De meziek weurt verzörreg door DJ “Lange Ron” en veer beginnen um 13.30 oor.
Geer zeet vaan harte welkom!
