Op zaoterdag 18 fibberwarie zal door CV de Braniemeekers de Vastelaovend in Lummel & Nazareth geopend weure mèt ’t oonderhand bekinde “Braniebal of Vastelaoftrap” dat gehawwe zal weure in Kaffee ’t Tönneke.
Prins Etiënne 1e zal es Hoeglöstegheid ’t Braniebal opene en oonder de muzikaole klaanke vaan DJ Chris Boumans zal ’t fieske en dus de vastelaovend losbarste.
Geer zeet vaan harte oetgenudeg um vaanaof 19.00 oor d’r same mèt us ’n sjiek en gezèlleg fieske vaan te make.
D’n entree is gratis!              
Poster Braniebal Vastelaoftrap 2023

Recent logo BraniemeekersOp carnavalszoondag 19 fibberwarie 2023 zal door CV de Braniemeekers de “Vastelaovend” in Lummel en Nazareth weure geopend door t hijse vaan de Braniemeekerpóp en aonsletend n carnavalsdejeuner.
De Braniemeekerpóp zal de drei döl daog vaan vastelaovend ziech hawwe op Vastelaovend vierend volk vaan Lummel & Nazareth.

Prins Etiënne 1e zal op ziene Prinsewagel vaanaof Hoeve Rome, same mèt jäögprinsepaar Quinn 1e en Donata 1e in ne cortège nao t pleinsje veur t Keplaon Lochtmanhoes trèkke. 
Alle Prinse en Prinsesse zalle um 11.11 oor de Braniemeekerpóp hijse.
Es dee klus geklaord is zal t carnavalsdejeuner (mèt spek en ei) geserveerd weure in en door kaffee t Tönneke en kinne veer us opmake veur ne fantastische vastelaovend.

Geer zeet vaan harte oetgenudeg um dr bei te zien!

branielogo aajd

Recent logo BraniemeekersOp zaterdag 11 februari 2023 uur zal CV De Braniemeekers een receptie aanbieden aan Prins Etiënne 1e.
De receptie zal plaatsvinden in het mooi versierde Kapelaan Lochtmanhuis, aan de Populierweg in Limmel.
We nodigen iedereen die Prins Etiënne 1e en CV de Braniemeekers een warm hart toedraagt, van harte uit om hierbij aanwezig te zijn.
Tevens hebben we 2 jubilarissen te weten; Jos Rokx (1x11 jaar) en Shenna Otten (1x11 jaar)

De receptie zal gehouden worden tussen 18.11 en 21.11 uur.

Daarna maken we er samen een gezellige avond van.

U bent van harte welkom!

Recent logo BraniemeekersZoondag 12 fibberwarie um 9.00 oor weurt de jaorlekse Mesteechter Mès opgedrage in de parochie Kèrk vaan St Jaan d’n Duiper in Lummel door Kapelaon Austin.
De Wieker Famfaar en ’t Kèrkelek zaangkoer zalle de mès opluustere mèt sjoene meziek en zaank.

Nao de Mès zalle veer ’n blomstökske op ’t kèrkhof lègke ter iere vaan- en ter naogedachtenis aon alle euverlije lui oet Lummel en Nazareth en speciaol veur us euverlije lije, iere-lije en aajd Prinse. Veer hope uuch in de kèrk te mage treffe!

Daan weurt d’r nao ’n koffietaofel gehawwe in ’t Keplaon Lochtmanhoes veur genudegde vaan CV de Braniemeekers en zalle euze zjubilarisse vaan de ganse vereineging in ’t zönneke gezat weure. Dit jaor zien dat:


Jos Rokx 1 x 11 jaor
Shenna Otten 1 x 11 jaor
Sylvana Pasveer 1 x 11 jaor
Brandon Dessart 1 x 11 jaor
John Bossink 1 x 5 jaor

's Middags goon veer weer ‘n gezèlleg feeske bouwe mèt de keender op de Kindermiddag vaan de Braniemeekerkes.
De meziek weurt verzörg door DJ “Ron Gilissen” en veer beginne um 13.30 oor.

Geer zeet vaan harte welkom!

Op zoondag 5 fibberwarie 2023 zalle de nuie Prins en Prinses van jäögcarnavalsvereiniging CV De Braniemeekerkes weure oetgerope vaanaof 13.33 oor.
Veur Info, klik op't pleetsje:

Ooetrope prinsenpaar 2023

Prins Etiënne 1e (Etiënne Notten vaan de Kest. Cortenbachlaan) regeert in 2023 euver ’t Braniemeekersriek.
(Klik op ziene foto veur vergroeting)
Stasiefoto Etienne 1

Veur d’n ierste kier in de Braniemeekershistorie brachte de Tempeleers neet ’t tradtioneel bezeuk mèt hunne keersveerse Stadsprins Stefan 1e (Stefan Gybels) aon de sjus oetgerope Prins vaan de Braniemeekers. Wel moch Prins Etiënne 1e de Stadsprins Dean 1e (Dean De Bruyn) vaan Hasselt oontvaange mèt ziene raod van de Koninklijke Orde v/h Klaeverblât. De Braniemeekers höbbe ‘nne band mèt hun gekrege via de Haafvaste viering in Hasselt. De Kluivers en de Kakpepers gaove ouch acte de présence.

Zoondag 29 jannewarie2023 organisere CV De Braniemeekers & CV de Kakpepers weer hunne Senioren middag in 't Buurtcentrum Nazareth vaanaof 13.30 oor
Veur info klik op 't pleetsje:

Poster Senioren Middag 2023 GOED

Yes, we mogen weer!

Het verenigingsleven heeft gedurende de coronapandemie een lange tijd on-hold gestaan. De veiligheid en gezondheid van onze leden stond natuurlijk bovenaan. Sinds 25 september jl. zijn de versoepelingen doorgevoerd en hoeven we de 1½ meter niet meer in acht te houden en kunnen de studenten weer allemaal als vanouds naar school. Dit komt met name doordat veel mensen inmiddels gevaccineerd zijn.

Bèste vollegers vaan CV de Braniemeekers,

Veer wèlle uuch, zjus wie väöl aander vastelaovendsvereineginge, laote wete tot veer al ‘ne lange tied aon ’t naodinke zien euver de carnaval.

Geer zalt begriepe tot veer gein groete activiteite kinne hawwe in ‘ne tied boe in ’t coronavirus eus in de greep hèlt. Veer zalle uuch op ’n later momint informere wat veer weijer vaan plan zien. Of veer wel aander klein alternatieve kinne beeje, ligk aon de riechlijne op dat momint, en zalle veer later beslete.

'T is neet anders, meh de gezoondheid vaan eus leije en de lui vaan Lummel & Nazareth is op dit momint ’t aller belangriekste.

Haw uuch gezoond, zoe tot veer uuch snel weer allemaol mage zien!

Bestuur CV de Braniemeekers

Recent logo BraniemeekersVriedag 14 fibberwarie 2020 organiseert CV de Braniemeekers häöre traditionele Carnevals Kienaovend in ’t Keplaon Lochtmanhoes in Lummel. Op Carnevaleske wijs weurt deze aovend ingevöld. D’r zien väöl sjoen prijs te winne, die door Prins Philip 1e persoenelek aon de winnaars zalle weure oetgereik.
De zaol is ope vaanaof 18:00 oor
Aonvaank Kiene vaanaof 19:00 oor

Recent logo BraniemeekersZaoterdag 15 fibberwarie 2020 zal CV De Braniemeekers ’n receptie aonbeje aon Prins Philip 1e. Dees receptie zal plaots vinde in ’t sjoen verseerde Keplaon Lochtmanhoes aon de Populierweeg in Lummel. Veer nudige ’n ederein, dee Prins Philip 1e en CV de Braniemeekers e werrem hart tow dreug, vaan harte oet heibij aonwezig te zien.
De receptie weurt gehawwe vaan 18:11 tot 21:11 oor.

Geer zeet vaan harte welkom

Recent logo BraniemeekersZoondag 16 fibberwarie um 9.00 oor weurt de jaorlekse Mesteechter Mès opgedrage in de parochie Kèrk vaan St Jaan d’n Duiper in Lummel. Con Gerards en ’t Kèrkelek zaangkoer zalle de mès opluustere mèt sjoene meziek en zaank.  Nao de Mès zalle veer ’n blomstökske op ’t kèrkhof lègke ter iere en ter naogedachtenis aon alle euverleije lui oet Lummel en Nazareth en speciaol veur us euverleije leije, iereleije en aajd Prinse.

Prinsegallerij





Ga naar boven