Ut vuuske vaan Arie

Toen de kanselerijjraod in november 1993 beijein kaom um de nuije Prins oet te zeuke, kaom ouch ter sprake tot veer gèt mooste doen es blievende herinnering aon uzze euverleeje Iere Prizzedent Arie Muijtjens. Mèh wat? Nao lang dinke en euverlègke kaome veer tot ei dink boe v'r steeds weer aon mooste dinke. De bekinde "voes" vaan Arie. Es 't örreges gezèllig waor en Arie ammeseerde ziech, daan kaom die voes nao väöre um zien jonges aon te spoore. Ouch in slechte teije kaom die voes naor väör um ederein weer in de gooij riechting te kriege.
'T is lang zien oetstraoling gewees nao de Braniemeekers. Es blievende herin-nering aon Arie höbbe veer daan ouch besloote um 'n nuij "hoegste oondersjei-ing" es medaalje oet te reike "DE GROET ORDE VAAN 'T VUUSKE" in't zéllever. 'T Vuuske zal gehaange weure oonder de jaorlikse Prinseorde. De kanselereijraod beslis wee in aonmèrking kump veur dees bizuunder medaalje.

Daoneve höbbe veer ouch e gouwe vuuske, dit kreig e lid vaan de Braniemeekers beij zien 22 jaorig zjubbeleij.


De Kanselereijraod