Marcel Coolen
De nuie Prins en Prinses vaan CV de Braniemeekerkes zien gistere 28-01-2024 oet gerope:
Prins Jessie 1e (Jessie Bovens vaan de Carmelstraot) en Prinses Izohra 1e (Izohra Jaffer vaan de Willem Alexanderweeg).
Vaan Harte Perficia! ( Klik op hunne foto veur vergroeting )
Um hun beter te liere kinne, bekiek hei ’t Protokol_Prins en Protokol_Prinseske. Hei de teks behurend bij de oetreiking vaan hun verseersele: Protokol_Verseersele
En tenslotte neturelik ouch de bij hun oetrope behurende Proklamasie_Braniemeekerkes.
Bekiek uuch hey de video vaan hun oetrope. Klik op: https://youtu.be/Ee8MjxXz0a8
Leef luij vaan Lummel en Nazareth,
De 41e Hoegste Oondersjeiing vaan CV de Braniemeekers in 't jaor 2024 is touwgekind aon:
't Bestuur en vrijwèllegers vaan Stiechting Kapelaan Lochtmanhuis.
'T Bestuur vaan de Stiechting Kapelaan Lochtmanhuis besteit oet de hiere Guido Quaden, Wim Gorren en Raymond Huveneers.
De vrijwèllegers zien Christien van den Broeck, Aloys Beijer en Frans Ritz en Inge Kars.
Klik op 't pleetsje hei-oonder um de motivatie veur de touwkinning te leze en kinnis te make mèt de winnaars:
Klik op de foto's veur groete weergaaf:
En klik op dit pleetsje um hun oorkonde te bekieke:
Prins Leroy 1e ( Leroy Hendriks vaan de Azamonstraot ) regeert in 2024 euver ’t Braniemeekersriek.
(Klik op ziene foto veur vergroeting)
Gelökkig brachte de Tempeleers mèt hunne keersveerse Stadsprins Roy 1e ouch weer, zoe-es vaanaajds, hun allerierste bezeuk aon de sjus oetgerope Prins vaan de Braniemeekers Leroy 1e. De Braniemeekers, Braniemeekerkes, Drommedarisse en Kakpepers gaove acte de présence.
Bekiek hei ziene CV
(Klik op 't pleetsje)
En hei zien Proklamasie.
(Klik op 't pleetsje)
Mèt hiel väöl spiet in us hart make veer bekint tot us zier gewaardeerd lid, Theo Schefman, aofgeloupe maondag 8 jannewarie, nao ’nen hiele korte tied vaan kraank zien, op 69 jaorege leeftied en väölste vreug is euverleie.
Theo is in 2000 lid gewore vaan us vereineging en in 2002 woort heer nao “ ’n ope sollicitatie” oetgroepe es Prins Theo 1e. Daonao höbbe veer häöm liere kinne es ‘ne zier aimabele vereinegings mins mèt ’t hart op de zjuste plaots. Heer heet zien kwaliteite ingezat en ziene vrije tied gegeve veur de gemeinsjap Lummel & Nazareth. Zoe waor heer de drievende krach achter ’t jaorlekse kraankebezeuk boemèt heer de nudege luikes ’n hart oonder de reem gestoke heet es heer same mèt “ziene” Prins bij de lui aon de deur koum. Binne us technische kemmissie heet heer same mèt zien kammeraode hiel väöl ore doorgebrach in de Hoeve. Eder jaor opnui de zaolversering en de vastelaovendswage gereid make of wat d’r ouch mer gemaak mós weure.
Jaore laank is heer secundant gewees en deech heer de Prins begeleije vaanaof tot heer woort oetgerope tot dat heer de Prinsesteek weer mós aofzètte. Hiel väöl Prinse zalle mèt ’n hiel good geveul dao aon trök dinke.
Wie gezach ‘ne vereinegingsmins in hart en nere.
Veer winse Thoosan, Debbie, Kevin, Remy, Wendy, Ivo, Daan, Evi en Noa hiel väöl sterkde um ’t groete verluus vaan Theo de koumende tied te kinne drage.
Veer goon Theo misse en zalle häöm noets vergete….!!
