Aofgeloupe zaoterdag, 6 fibberwarie, zien veer same mèt de keender vaan de jäögraod en de tienergrôp veur de twiede week, weijer gegaange mèt eus sjariteitsbezeukskes.
Obbenuits höbbe veer de lui bezeuk die ziech inzètte veur eus vereineging, luikes die kraank zien of gewoen get aondach verdene in deze oonröstege tied. Gewoen eve vertèlle tot veer ze daankbaar zien, aon de luikes deenke en tot zie Pin mote Hawwe. D’r is leech aon ’t ind vaan d’n tunnel, meh ’t geit wel nog effekes dore. Mèt ’n klein kedoke en get vreunteleke wäördsjes wèlle veer ze 'n hertsje oonder de reem steke. De koumende daog tot aon de vastelaovend goon veer gewoen weijer d'r mèt.
HAW PIN #veerzienvastelaovend
Beloert uuch de foto's op de volgende pagina:
Neve de Sjariteitsbezeukskes en de actie veur de lui die ziech in de zörg veur eus allemaol oet de naod wèrke, höbbe veer ouch get lui bedaank en oondersjeije mèt eus Haw Pin medaalje. Helaas mage veer ze dit jaor neet opspange, meh ze weurt op ’n sjoen meneer oetgereik.
Veer höbbe väöl leuke reacties gehad wie veer de medaalje geprizzenteerd höbbe op Facebook. D’r waore hiel get lui die de medaalje gere wouwe höbbe en dao groof geld veur gebooje höbbe. Helaas veur die lui, höbbe veer beslote tot de medaalje neet te kriege en al zeker neet te koup is. Veer hawwe vas aon eus aw traditie, die zeet:
“ ’n medaalje kinste neet vraoge of koupe, ’n medaalje móste verdeene”
Vaanoet die gedachte höbbe veer get lui goon bezeuke um ze te verrasse en veural te bedaanke veur wat zie veur eus vereineging of veur de vastelaovend in z’n algemein beteikene. Tot aon de vastelaovend zalle veer nog de nudege lui opzeuke en bedaanke!
Hij oonder ’n paar foto’s vaan lui boe veer zien langs gewees en die zelf dee foto op Facebook gezat höbbe.
#veerzienvastelaovend
Beloert uuch de foto's op de volgende pagina:
Op verzeuk vaan ’n aontal lui höbbe veer nui club vlagge bestèld. Es geer interesse höb, daan kint geer die ouch bij us bestèlle. Ze zien in versjèllende maote en prijze te kriege:
70 x 100 cm à € 18,50 per stök
100 x 150 cm à € 29,50 per stök
Aander aofmetinge zien meugelek meh die moote veer bestèlle.
Bestèlle kin op info@braniemeekers.nl #veerzienvastelaovend
't Mestreechs Vastelaovendspakket is oetverkoch!
De 1.111 besjikbare pakkètte zien allemaol verkoch.
Geweldeg, meh wat nog sjieker is … is to veer daankzij de gooje verkoup en mèt mètwèrking vaan 't Elisabeth Strouven Fonds, leefs 222 pakkètte kinne donere aon Quiet Community Maastricht (www.quiet.nl). Hiel väöl daank veur al eur bestèllinge via CV de Braniemeekers of alle aander SMV vereineginge en de Keemeleers in Mestreech.
Veer goon deveur zörge tot dien pakkèt op zaoterdag 13 fibberwarie bij diech thoes weurt bezörg.
#veerzienvastelaovend #plezeerensjariteit
Aofgeloupe zoondag, 31 jannewarie, höbbe veer zoeväöl meugelek lui oet eus wieke Lummel & Nazareth die in de zörg wèrke goon bedaanke veur hunne inzat.
Vaanaof 6 oor in de vreuge mörge zien veer pósters goon plakke um ederein te bedaanke. Ouch de lui boe vaan veer neet weite tot zie in de zörg wèrke, wèlle veer zègke:
"DIECH BIS 'NNE TOPPER!!"
Bestuur CV de Kakpepers en CV de Braniemeekers #veerzienvastelaovend
Leef lui oet Lummel & Nazareth
Veer zien tot d'r al hiel get lui hun hoes, hun vinsters en gievels op 'n sjieke meneer geseerd höbbe veur de vastelaovend.
Veer wèlle ederein dee nog neet geseerd heet vraoge dat dees week te doen.
Klik op 'nne foto veur vergroeting:
Koumend weekend, 7 en 8 fibberwarie, geit de jury vaan de Kakpepers en de Braniemeekers door de straote en goon zie kieke wee 't aller sjoenste verseerd heet.
In die zelfde week kriege de winnaars vaan us beriech en zalle veer ouch de gewonne pries oetreike. De oeteindeleke winnaar weurt door us es wiekwinnaar veurgedrage aon de ‘Thoes verseerwedstrijd’ van stadscarnavalsvereineging De Tempeleers, die vaanaof 10 fibberwarie de winnaars bekint goon make. Veer hope tot Geer mèt zalt doen en veer de wieke Lummel & Nazareth en hopelek gans Mestreech, roed, geel en greun laote kleure.
Alvas bedaank ️
Naomes de besture en leie vaan
CV de Braniemeekers & CV de Kakpepers #veerzienvastelaovend
Aofgeloupe zaoterdag, 30 jannewarie, höbbe veer same mèt de keender vaan de jäögraod en de tienergrôp de ierste sjariteitsbezeukskes gedoon. Veer wèlle de lui die 't good kinne gebruke in dizze gekke tied 'n hertsje oonder de reem steke. Oondaanks 't slechte weer waor 't sjiek um get luikes mèt 'n bezeukske te verrasse. De koumende weke goon veer gewoen weijer d'r mèt.
HAW PIN #veerzienvastelaovend
Beloert uuch de foto's op de volgende pagina:
In samewèrking mèt de Samewèrkende Mestreechse Vastelaovendsvereneginge (SMV) en de Keemeleers höbbe de Tempeleers e leuk ‘Mestreechs Vastelaovendspakkèt’ samegestèld. In 't pakkèt zit get um te ete, te verzamele, te versere en te doen … laot d'ch verrasse!
't Pakkèt kos € 22,- en kin gekoch weure op www.tempeleers.nl ouch kint geer rechstreeks bestèlle via e-mail op info@braniemeekers.nl
Door d'n aonkoup vaan e pakkèt steunste ouch us es lokale vereineging (CV de Braniemeekers) en maakste 't same mèt 't Elisabeth Strouven Fonds meugelek tot v'r 222 pakkètte gratis in Mestreech oetdeile aon gezinne die 't financieel minder höbbe.
** G O E D E D O E L **
De #Maaltijden actie in Limmel en Nazareth
In samenwerking met ADVENTURECOOK – Cateringbedrijf aan de Populierweg in Limmel, de mensen van Kinderboerderij Limmel en CV de Braniemeekers.
Heerlijke vers bereidde maaltijden uitdelen aan mensen die het verdienen.
Mede mogelijk gemaakt door een mooie bijdrage van de Rabobank zuid Limburg.
Het is en blijft een leuke ervaring om mensen te kunnen verrassen!!
Het was een gedenkwaardige middag!
Dank je wel aan initiatiefnemers Vivian en Gertjan, Dave en Anita en dank aan Monique.
Bekijk hier 'n diashow van de actie: https://youtu.be/Q-YoZdGGWFI
#veerzienvastelaovend #etenwatdepotschaft
Zoondag 17 jannewarie um 20:11 oor, had 't benkelek momint mote zien boe op veer euze nuie Hoeglöstegheid 2021 hadde wèlle oetrope. Veer kinne väöl wèlle meh, helaas wete veer oondertösse allemaol dat 't corona-virus d'r veur gezörg heet tot neet alles kin. Zoe wie 't Mestreechs gezègkde zeet: 'Alles is meugelek. meh neet 'ne naakse in z'n brook sjiete'. Mèt aander wäörd; wie gere tot veer ouch zouwe wèlle, 't geit gewoen neet.
Gooje aovend bèste leie vaan Cv de Braniemeekers,
Naomes de Kanselereijraod wèlle veer uuch gere inliechte.
Gistere, zoondag 17 jannewarie um 20:11 oor, had 't benkelek momint mote zien boe op veer euze nuie Hoeglöstegheid 2021 hadde wèlle oetrope. Veer kinne väöl wèlle meh, helaas wete veer oondertösse allemaol dat 't corona-virus d'r veur gezörg heet tot neet alles kin. Zoe wie 't Mestreechs gezègkde zeet: 'Alles is meugelek. meh neet 'ne naakse in z'n brook sjiete'. Mèt aander wäörd; wie gere tot veer ouch zouwe wèlle, 't geit gewoen neet.
Adventurecook, CV de Braniemeekers en Kinderboerderij Limmel bundelen krachten voor een Smaakvolle verrassing, dankzij waardecheque Rabobank.
Nu het tijdens corona voor veel mensen een periode is waarin sociale contacten wegvallen, mensen hun baan verliezen of een onzekere tijd doormaken, is aandacht voor de medemens belangrijker dan ooit. Persoonlijke aandacht, laten weten dat je aan de ander denkt en hoe kun je er toch voor de ander zijn met alle (afstands)maatregelen, zijn thema’s die steeds aandacht krijgen. Het maatschappelijk hart van Adventurecook klopte altijd al hard en zij waren de afgelopen jaren regelmatig verbonden aan acties voor een goed doel. Klik om verder te lezen op: Maaltijden_actie