Geere wèl iech, en ouch naomes mien vrów Priscilla en keender Dani en Kai, vaanaof dees plaots eederein in Lummel en Nazareth hiel erreg bedaanke veur unne manjefieke vastelaovend. Mèt hiel väöl plezeer bin iech saame mèt de Braniemeekers uuch veur gegaange in dee sjoene tied vaan vastelaovend. Vaan ‘t momint vaan oetrope tot aon assellegoonsdeg höbbe veer eedere daag hiel väöl plezeer gehad en höbbe veer ontzettend genoote. Alle lui die op de ein of aander meneer deveur gezörreg höbbe dat ‘t zoe’n geweldig fies is gewoore, harstikke bedaank veur dee oonvergeteleke tied.
Mien Kompleminte!!
Prins Danny I CV de Braniemeekers
Klik op 't pleetsje um de poster te leze en 'nne fijne Vastelaovend gewins!
Zoondag 19 fibberwarie 2017 voond de traditioneel Mestreechter Mès vaan de Braniemeekers plaots in de kèrk vaan St. Jaan d’n Duiper in aonwezigheid vaan de Braniemeekers, Braniemeekerkes en Kakpepers. De Mès o.l.v. Pestoer Backus woort opgeluusterd door ’t Kèrrekkoer en Famfaar St. Martinus Juliana Mestreech.
Klik hei op:Fillemke Mestreechter Mès.
Zaoterdag 18 fibberwarie 2017 zal CV De Braniemeekers ’n receptie aonbeje aon Prins Danny 1e. Dees receptie zal plaots vinde in ’t sjoen verseerde Keplaon Lochtmanhoes aon de Populierweeg in Lummel. Veer nudige ’n ederein, dee Prins Danny 1e en CV de Braniemeekers e werrem hart tow dreug, vaan harte oet heibij aonwezig te zien.
De receptie weurt gehawwe vaan 18:11 tot 21:11 oor.
Geer zeet vaan harte welkom!
Zoondag 19 fibberwarie um 9.00 oor weurt de jaorlikse Mesteechter Mès opgedrage in de parochie Kèrrek vaan St Jaan d’n Duiper in Lummel. Famfaar St. Martinus-Juliana Mestreech en ’t Kèrrekelik zaangkoer zalle de mès opluustere mèt sjoene meziek en zaank.