Klik op hunne foto veur 'n vergroeting.
Um Prins Dani 1e (zoon vaan Prins Danny 1e) en Prinses Bregje 1e beter te liere kinne, klik hei op hun: Proklamasie
en hei op hun Protokol mèt CV in drei deile: Deil1; Deil2 en Deil3. Bekiek hei e Fillemke
Zoondag 19 fibberwarie 2017 organiseert de zjubilerende Jäögcarnevalsvereiniging CV De Braniemeekerkes (3 x 11 jaor) 'nne kindermiddag boe versjèllende jäögvereiniginge de Prins en zien Prinses koume felicitere. De locatie is 't Keplaon Lochtmanhoes en de middag zal starte um 13:30 oor.
Deze middag zal Stadsprins Jerôme 1e samen mèt zien Tempeleers ouch nao Lummel koume um 't Jäögpaar te felicitere en hun aon te zètte um d'r 'nne geweldige “Vastelaovend” vaan te make.
D'n entree is gratis en de middag wordt muzikaal opgeluusterd door DJ Chris.
Prins Danny I (Danny Bastings vaan de Nebostraot) regeert in 2017 euver 't Braniemeekersriek. Neturelik kaome de Tempeleers mèt hunne keersveerse Stadsprins Jerôme I 't ierste nao de Braniemeekers in Lummel. Bekiek hei e: Fillemke
Leef lui vaan Lummel en Nazareth,
Wat höb iech e prach carnevalssezoen gehad; Gewoenweg ein groete aoneinsjakeling vaan hoegtepunte!
‘T begós allemaol op ‘nne vriedag in oktober en vaanaof toen waors ‘t of iech al deen tied in ‘n achbaon zaot. Achteraof realiseer iech miech pas wat iech allemaol höb mage mètmake. Geweldig waore al die leuke, leef en positief reacties, die iech höb mage oontvaange toen iech waor oetgerope tot Prins Paul IV vaan Lummel en Nazareth.
