Vriedag 06 fibberwarie 2015 organiseert CV De Braniemeekers weer häör jaorlikse Vastelaovends Kiene. Dizze Kienaovend begint um 19:00 oor in ‘t Keplaon Lochtmanhoes in Lummel. Zaol ope vaanaof 18:00 oor. De kiencommissie heet weer e prachtig prijzepakkèt wete same te stèlle. Zjubileiprins Huub 1e zal de prijze persoenlijk euverhandige. Veur d’n inwendige mins weurt gezörrig!
Zaoterdag 07 fibberwarie 2015 zal CV De Braniemeekers ‘n receptie aonbeje aon Zjubileiprins Huub 1e.
Hei volleg d'n oetslaag vaan de Trèkking vaan de Tombola aofgeloupe vriedag 30 jannewarie:
1e Pries > Wit 207; 2e Pries > Blauw 605; 3e Pries > Blauw 6
4e Pries > Geel 910..; 5e Pries > Oranje 516; 6e Pries > Blauw 318
7e Pries > Oranje 540; 8e Pries > Oranje 221; 9e Prejs > Blauw 202
10e Pries > Wit 220; 11e Pries > Oranje 403;12e Pries > Blauw 370
De gewónne prijze kinne aofgehoald weure bij ein vaan us activiteite in 't Keplaon Lochtmanhoes.
Marcel Coolen
President
Zoondagmiddag 01 fibberwarie 2015 zalle de nuije Prins en Prinses vaan jäögcarnavalsvereiniging CV de Braniemeekerkes weure oetgerope in ‘t Keplaon Lochtmanhoes. De nuije Prins en Prinses zalle in 'nne cortège door de straote vaan Lummel trèkke, boenao um 14.11 oor de twie groete oonbekinde oonder 't maske vaandan zalle koume.
Samba band Los Ballos, CV de Kluiverkes, CV de Koeleköpkes, CV de Jumbo’s, CV de Braniemeekers en CV de Braniemeekerkes zalle aon de cortège deilnumme. D'n entree is gratis en de middag zal weer weure opgeluusterd door DJ Lange Ron.
Naomes de kanselereijraod maag iech uuch mèt trots melle tot euze Zjubbileijprins is geboore!!!!!
D’n drappo (’t veendel) is oet gehaange beij de Prizzedent.
Zoe wiet geer zalt wete, is ’t iemes oet Lummel of Nazareth. Heer is getroijd, heet keender en e paar hoesbieste.
Veer zien gruuts d’rop tot veer uuch dit häögelek nuijts kinne bringe.
Noe is ’t aoftèlle nao 10 jannewarie en daan kin wat us betref de vastelaovend in Lummel en Nazareth beginne.
Mèt de vreuntelike Kompliminte en veer bringe alvas ’n weurs naor Klara.
De Kanselerijraod,
Jo Boumans, Bert Krapels, Jos Rokx, Petro Humblet en Marcel Coolen