Prins Huub I (Huub Braken) regeert in 2015 euver 't 4x11-jaorig Braniemeekersriek.
Lees meer: Prins Huub I regeert in 2015 euver 't Braniemeekersriek.
(Klik op de foto veur 'n vergroette weergaaf)
Zoondagmiddag 1 fibberwarie woorte Prins Joël 1e en Prinse Shauny 1e oetgerope tot 't nuij Prinsepaar 2015 vaan de Braniemeekerkes oet Lummel en Nazareth in hunne gezèllige en drök bezeukde Hoftempel 't Keplaon Lochtmanhoes.
(Klik op häöre foto veur 'n vergroette weergaaf)
Zoondag 8 fibberwarie woort bekind gemaak aon wee de Hoegste Oondersjeijing 2015 vaan de Braniemeekers is touwgekind:
Monique Ruyters
Lees meer: Hoegste Oondersjeijing 2015 veur Monique Ruyters.
Hans Volders heet weer 'n prachtige Medaaje oontworrepe ter iere vaan 't 4x11-jaorig Zjubbileij vaan de Braniemeekers. In de Medaaje zien 'nne houp medaajes vaan de aofgeloupe jaore verwèrrek. Beloer ze uuch mer ins op eur gemaak. ( Klik daoveur gans bove rechs op Hoeskamer ) Es geer daonao op 't pleetsje klik, kint geer de medaaje ingekleurd bewundere:
Dinsdagaovend 17 fibberwarie 2015 um 24:00 oor zal door CV De Braniemeekers De "Vastelaovend" In Lummel en Nazareth beëindig weure met 't verbranne vaan de Braniemeekerpóp.
Prins Huub 1e zal daan same mèt de aander aonwezige Prinse en Prinsesse en het Vastelaovend vierend volk vaan Lummel en Nazareth symbolisch aofsjeid numme vaan de drei dol daog vaan Carnaval.
Geer zeet vaan harte oetgenudig heibij aonwezig te zien.
Lees meer: Zaoterdag: Braniemeekerpóp Hijse en daonao Braniebal in ‘t Tönneke.
Um ‘t journaal te bekieke, klik heij op:
Vastelaovendjournaal_2
Vastelaovendjournaal_1
Aofgeloupe zoondag waor de traditioneel Mestreechter Mès in aonwezigheid vaan de Braniemeekers, Braniemeekerkes en Kakpepers. De mès o.l.v. Pestoer Backus woort opgeluusterd door 't Kèrrekkoer en Famfaar St. Martinus Juliana Mestreech. Nao aofloup woort op 't kèrrekhof stèl gestaange bij de leie die de Braniemeekers oontvalle zien. Hei-oonder kint geer e fillemke daovaan bekieke.
Klik op: Fillem Mestreechter Mès
Zoondag 8 fibberwarie 2015 weurt door CV De Braniemeekerkes `nne keendermiddag georganiseerd in 't Keplaon Lochtmanhoes in Lummel, boebij versjèllende jäögvereiniginge Prins Joël 1e en Prinses Shauny 1e zalle koume felicitere. Aonvaank 13:30 oor.
Lees meer: Keendermiddag Braniemeekerkes en Hoegste Oondersjeijing.
Vriedag 06 fibberwarie 2015 organiseert CV De Braniemeekers weer häör jaorlikse Vastelaovends Kiene. Dizze Kienaovend begint um 19:00 oor in ‘t Keplaon Lochtmanhoes in Lummel. Zaol ope vaanaof 18:00 oor. De kiencommissie heet weer e prachtig prijzepakkèt wete same te stèlle. Zjubileiprins Huub 1e zal de prijze persoenlijk euverhandige. Veur d’n inwendige mins weurt gezörrig!
Zaoterdag 07 fibberwarie 2015 zal CV De Braniemeekers ‘n receptie aonbeje aon Zjubileiprins Huub 1e.
Lees meer: Vriedag Vastelaovends Kiene; Zaoterdag Prinse Receptie.
Hei volleg d'n oetslaag vaan de Trèkking vaan de Tombola aofgeloupe vriedag 30 jannewarie:
1e Pries > Wit 207; 2e Pries > Blauw 605; 3e Pries > Blauw 6
4e Pries > Geel 910..; 5e Pries > Oranje 516; 6e Pries > Blauw 318
7e Pries > Oranje 540; 8e Pries > Oranje 221; 9e Prejs > Blauw 202
10e Pries > Wit 220; 11e Pries > Oranje 403;12e Pries > Blauw 370
De gewónne prijze kinne aofgehoald weure bij ein vaan us activiteite in 't Keplaon Lochtmanhoes.
Marcel Coolen
President
Zoondagmiddag 01 fibberwarie 2015 zalle de nuije Prins en Prinses vaan jäögcarnavalsvereiniging CV de Braniemeekerkes weure oetgerope in ‘t Keplaon Lochtmanhoes. De nuije Prins en Prinses zalle in 'nne cortège door de straote vaan Lummel trèkke, boenao um 14.11 oor de twie groete oonbekinde oonder 't maske vaandan zalle koume.
Samba band Los Ballos, CV de Kluiverkes, CV de Koeleköpkes, CV de Jumbo’s, CV de Braniemeekers en CV de Braniemeekerkes zalle aon de cortège deilnumme. D'n entree is gratis en de middag zal weer weure opgeluusterd door DJ Lange Ron.