Zoondag 19 fibberwarie 2017 organiseert de zjubilerende Jäögcarnevalsvereiniging CV De Braniemeekerkes (3 x 11 jaor) 'nne kindermiddag boe versjèllende jäögvereiniginge de Prins en zien Prinses koume felicitere. De locatie is 't Keplaon Lochtmanhoes en de middag zal starte um 13:30 oor.
Deze middag zal Stadsprins Jerôme 1e samen mèt zien Tempeleers ouch nao Lummel koume um 't Jäögpaar te felicitere en hun aon te zètte um d'r 'nne geweldige “Vastelaovend” vaan te make.
D'n entree is gratis en de middag wordt muzikaal opgeluusterd door DJ Chris.
Zoondag 12 fibberwarie 2017 zalle de nuije Zjubilei- Prins en Prinses vaan jäögcarnavalsvereiniging CV De Braniemeekerkes (3x 11 jaor) weure oetgerope.
De nuije Prins en zien Prinses zalle in ‘nne cortège door de straote vaan Lummel trèkke. Daonao zalle um 14:11 oor in ’t Keplaon Lochtmanhoes, de twie groete oonbekinde onder ’t maske vendan koume.
CV de Kluiverkes, CV de Koeleköpkes, CV de Jumbo’s, Jäögdrumband WVV '28, CV de Braniemeekers en CV de Braniemeekerkes zalle aon de cortège deilnumme.
D’n entree is gratis
Prins Danny I (Danny Bastings vaan de Nebostraot) regeert in 2017 euver 't Braniemeekersriek. Neturelik kaome de Tempeleers mèt hunne keersveerse Stadsprins Jerôme I 't ierste nao de Braniemeekers in Lummel. Bekiek hei e: Fillemke
WEE ????
Zoondag 29 jannewarie 2017 zal de nuije Prins vaan CV De Braniemeekers oet Lummel & Nazareth weure oetgerope.
