‘Thoes Verseerwedstrijd’ CV de Kakpepers en CV de Braniemeekers.
Leef vastelaovends vrun, inwoeners en oonderneumers vaan Lummel & Nazareth
Dit jaor kinne veer jaomer genóg geine Prins oetrope en ouch gein fieskes same viere in de zaol. 't Geit 'ne hiele rare en stèlle vastelaovend weure.
Um toch 'n bitteke sfeer in de straote en de wieke te bringe wèlle veer uuch vraoge um mèt te doen aon de ‘Thoes Verseerwedstrijd’ dee veer same höbbe oetgesjreve.
Haang de carnavalsvlag oet en verseer eur roete, de kiekoet, eure hoof en/of straote.
Op dees meneer drage veer same toch de carnavalssfeer oet.
Op 7 en 8 fibberwarie zal de jury door alle straote trèkke en beoordeile wee ’t sjoenste geseerd heet. In die zelfde week kriege de winnaars vaan us beriech en zalle veer ouch de gewonne pries oetreike.
De oeteindeleke winnaar weurt door us es wiekwinnaar veurgedrage aon de ‘Thoes verseerwedstrijd’ van stadscarnavalsvereineging De Tempeleers, die vaanaof 10 fibberwarie de winnaars bekint goon make.
Veer hope tot Geer mèt zalt doen en veer de wieke Lummel & Nazareth en hopelek gans Mestreech, roed, geel en greun zalle laote kleure.
Alvast bedaank ️
CV de Braniemeekers & CV de Kakpepers
#veerzienvastelaovend
17-01-2021 Geine Prins oetgerope!
Venaovend zouw ouch in Lummel & Nazareth de Prins vaan de Braniemeekers oetgerope weure. Helaas maag 't neet zoe zien, meh eus leie höbbe wel in de geis vaan vastelaovend de veendel oetgehaange.
Vastelaovend same!!
#veerzienvastelaovend
Oproop oethaange Vastelaovends Veendel.
Leef vastelaovends vrun, inwoeners en oonderneumers vaan Lummel & Nazareth
Dit jaor kinne veer jaomer genóg geine Prins oetrope en ouch gein fieskes same viere in de zaol. 't Geit 'ne hiele rare en stèlle vastelaovend weure.
Um toch 'n bitteke sfeer in de straote en de wieke te bringe wèlle veer uuch vraoge um de carnavalsvlag oet te haange vaanaof zoondag 17 jannewarie tot Asselegoonsdag. en um eur roete, etalages, eure hoof en/of straote te versere.
Zoe drage veer same de carnavalssfeer oet.
Veer hope tot Geer mèt zalt doen en veer de wieke Lummel & Nazareth en hopelek gans Mestreech, roed, geel en greun zalle laote kleure.
Alvast bedaank
CV de Braniemeekers
#veerzienvastelaovend
Vastelaovendsleedsje 2021: 'EUS MESTREECHS'
Mestreech 9 jannewarie 2021
Mestreech heet gekoze en veer höbbe ’n nui vastelaovendsleedsje
VASTELAOVENDSLEEDSJE 2021: 'EUS MESTREECHS'
https://www.youtube.com/watch?v=jJK1PSctTEg
Perficia Erwin, Patrick, Arno, Robert en Frans!
Aonkondiging Mestreechs Vastelaovendsleedsje 2021.
Leef Vastelaovendsvrun vaan Mestreech en umstreke,
De SMV is – zjus wie eder jaor – enthousias begós um ’t volk te invitere um weer e passend Vastelaovendleed te componere. Mer leefs 18 leedsjes zien ingesjik door de versjèllende componiste, sjrijvers en zengers.
V’r zien gruuts tot oondaanks de oonzeker tije gebleke is tot ’t Vastelaovendsgeveul us in ’t blood zit en krup boe ’t neet goon kint. Wie eder jaor is ’n selectie gemaak boebij 7 kandidaote in de finaal-runde koume.
Lees meer: Aonkondiging Mestreechs Vastelaovendsleedsje 2021.
De Bèste Winse.
Bestuursbesluut oktober 2020 i.v.m Corona.
Bèste vollegers vaan CV de Braniemeekers,
Veer wèlle uuch, zjus wie väöl aander vastelaovendsvereineginge, laote wete tot veer al ‘ne lange tied aon ’t naodinke zien euver de carnaval.
Geer zalt begriepe tot veer gein groete activiteite kinne hawwe in ‘ne tied boe in ’t coronavirus eus in de greep hèlt. Veer zalle uuch op ’n later momint informere wat veer weijer vaan plan zien. Of veer wel aander klein alternatieve kinne beeje, ligk aon de riechlijne op dat momint, en zalle veer later beslete.
'T is neet anders, meh de gezoondheid vaan eus leije en de lui vaan Lummel & Nazareth is op dit momint ’t aller belangriekste.
Haw uuch gezoond, zoe tot veer uuch snel weer allemaol mage zien!
Bestuur CV de Braniemeekers
Eus planning activiteite sezoen 2021.
Oonder Braniemeekers Callepin Euverziech vindt geer de: Callepin 2021
Haafvastebal @ Café 't Tönnneke.
Klik op 't pleetsje veur 'n vergroeting!
Dropping 7 miert 2020 georganiseerd door de Braniemeekers.
Mel uuch tijdig aon!!!
Vastelaoftrap op 22 februari 2020 in 't Tönneke.
Klik op de poster veur 'n vergroeting
Braniemeekerpóp Hijse & Carnavalsontbijt zoondag 23 februari 2020.
Op carnavalszoondag 23 fibberwari 2020 zal door CV de Braniemeekers de “Vastelaovend” in Lummel en Nazareth geopend weure door het hijse vaan de Braniemeekerpóp en aonsleetend ‘n carnavalsontbijt.
De Braniemeekerpóp zal de drei vaan vastelaovend ziech hawwe op ‘t Vastelaovend vierend volk van Lummel en Nazareth.
Prins PHILIP 1e zal op ziene Prinsenwagel vaanaof Hoeve Rome, mèt versjeije vereineginge oet de wiek, in ‘ne optoch nao ‘t pleintsje veur ‘t Kapelaan Lochtmanhoes trèkke.
Alle Prinse en Prinsesse zalle um 11:11 oor de Braniemeekerpóp hijse.
Nao tot dees taak volbrach is, weurt ‘t carnavalsontbijt geserveerd in
Café ’t Tönneke en kinne veer us opmake veur ‘ne oonvervalste en magnefieke vastelaovend...
Geer zeet vaan harte oetgenudeg um d’r bij te zien!!!
